Sika ti namagungar

Iti nabayagen a naidasay,

Naikupinen a darepdep

Waw ‘toy barukong:

Namaglunit rengngat

Ti natikagan a kapanagan.

Sika ti bituen a nangsilnag

Iti dana a pagdaliasatak..

Sika ti pul-oy a mangabrasa,

Mangagek itoy pingping,

Mangidateng ayamuom

Dagiti Disiembre a naglabas.

Addaka iti tunggal pitik ti darikmat,

Kadagiti Belen a pagkurnuak,

Iti agkak a Christmas card.

Ta ngamin, sika ni ayat!