Nasutil dagiti dumteng a malem

Ta iriingda dagiti kalmanko

A panagsadagko dita barukong…

Sibibiag di karitmo

Ket iti kinalupoyko mariknak dagiti aprosmo

Ditoy barukong agari dagiti balikasmo

Tapno tuntunek kaibatogak

Iti masakbayak…

Ngem sinonto payen ti pagkamangak

No awankanto metten ditoy dennak?

Awankanton a sarukodko.

Tunggal rukudek ti biag

Wen, kayatko a tenglen ti darikmat

Ta kasapulanka ditoy arpad.