|
|||||||
|
|
|
|||||
|
|
|||||||
Benneg Dagiti Agbasbasa
Dear Editor,
Nadamagko nga agawatkayo iti sarita, estoria wenno daniw para iti baro a magasin ti Gumil Oahu a managan iti Tangguyob. Agawatkayo kadi met iti Penpal Corner wenno Friends Corner? Adda ngamin maysa a kabagyak nga agnaed dita Hawaii nga adda kabarbaro a magasinyo a kasla met la Bannawag. Masaludsodko daytoy ta kayatko ti makipagayam.
Shy Girl GG
Shy Girl GG,
Agpayso nga agawatkami iti sarita, salaysay, daniw ken sinurat agraman iti
komentario dagiti agbasbasa ngem adda kalintegan ti magasin a mangarisit
kadagitoy para publikasion. Maipapan iti Penpal Corner, bay-am a panunotenmi.
Editor
____________________
“Damok a mabasa daytoy a bilang ti Tangguyob. Binasak amin a nailanad. Kalikagumko a mabasak koma dagiti naglabas nga isyu. Iti makunak, napintas daytoy Tangguyob. Sapay koma ta agnanayon a maipablaak. Ti Apo ti mangbendision.”
Roberto R. Pagarigan
Berting@netscape.net
____________________
“Kablaaw iti TANGGUYOB ken iti sibubukel a GUMIL Oahu! Welkam iti yuyeng ti nainsangalubongan a sapot! Maragsakan unay ‘toy numo ta addan kadua/mangkadkadua iti BURNAY ditoy makunkuna a cyberspace. Patiek nga ad-adda pay a rumangpaya ken maitandudo ti Literatura nga Iloko iti agtultuloy a panangigannuattayo iti pannakataginayonna iti uray sadino a paset, iti uray sadino a yuyeng, iti man pisikal wenno birtual a lubong… Agbiag ni mannurat nga Ilokano! Agbiag ti GUMIL! Agbiag ti Literatura Samtoy! Agbiag dagiti Ilokano nga umiinternet! Agbiag amin nga Ilokano iti lubong!
Kaap-uploadko laeng ti BALIKAS, ti opisial a pagiwarnak ti GUMIL Filipinas! Pakibisitayo man ketdi. Ti internet adres: ‘http://connect.to/balikas’.”
Roy V. Aragon
Sadiri@technologist.com
____________________
“Napintas man ti magasinyo a TANGGUYOB! Makabsog a basaen dagiti linaonna ta panay a maskulado iti literatura Ilokana dagiti awtor. Maskulado kunak ta panay a winners iti panagsuratan dagiti agsursurat iti Tangguyob.”
Vie417Val@aol.com